DURANGO.- Martxoaren 23an hasita eta hurrengo 27ra arte Topaklown ekitaldiarekin gozatzeko aukera izango dugu.
KLOWNEK, egunerokoaren heroi horiek, emozionatu, harrapatu eta gure alderik funtsezkoena, inperfektuena eta gizatiarrena islatzen dute.
2013. urtetik, Aste Santuarekin batera, kodigo teatral hau xede edo bide artistiko bezala duten pedagogo eta artistak gonbidatzen dituzte. Aitzakia on bat guztiok batzeko eta buelta emateko gaur egungo giro nahasi honi.
2016ko martxoaren 23tik 27ra laugarren edizioa ospatzen da eta aurten hainbat ekitaldi daude prest.
Horrela, martxoaren 23an Euskadiko Hnos. Bolinga ikusteko aukera izango dugu baina hainbat herrialdetatik hurbilduko dira Durangora: Bartzelonako Tortell Poltrona, Portugaleko Cäo A Chuva, Zaragozako Teatro Indigesto, Peruko Wendy Ramos edo Valentziako Cia Puntoclown.
Honetaz gain martxoaren 26an IV. Topaklown kabareta izango da eta bukatzeko martxoaren 27an Topaklown ikastaroaren erakustaldia.
